ఉత్తరగాజాపై దాడి 22 మంది మృతి

టెల్ అవీవ్: ఉత్తర గాజాపై ఇజ్రాయెల్ సైన్యం మరో భారీ దాడికి దిగింది. ఈ దాడుల్లో కనీసం 22 మంది చనిపోయారు. పాలస్తీనా వైద్య అధికారులు ఆదివారం ఈ సమాచారం ఇచ్చారు. ఉత్తర నగరమైన బీట్ లాహియాలో శనివారం అర్థరాత్రి ఇజ్రాయెల్ సైన్యం దాడి చేసిందని గాజా ఆరోగ్య మంత్రిత్వ శాఖ అత్యవసర సేవ తెలిపింది. ఈ దాడిలో 11 మంది మహిళలు, ఇద్దరు చిన్నారులు కూడా చనిపోయారు. గాజా, లెబనాన్‌లపై ఇజ్రాయెల్ నిరంతరం క్షిపణి, భూదాడులు చేస్తోందని ఆవేదన వ్యక్తం చేశారు. కాగా, గాజా, లెబనాన్‌లలో కాల్పుల విరమణ కోసం ఇరాన్ డిమాండ్‌ను లేవనెత్తింది. ఇరాన్​ ప్రతిపాదనపై ఇజ్రాయెల్​ ఏం నిర్ణయం తీసుకుంటుందనేది వేచి చూడాలి.