ఛత్తీస్​ ఘడ్​ లో ఎన్​ కౌంటర్​  18 మంది మావోలు మృతి

రాయ్​ పూర్​: భద్రతా బలగాలు నక్సలైట్లకు మధ్య మంగళవారం చోటు చేసుకున్నకాల్పుల్లో 18 మంది నక్సలైట్లు మృతిచెందినట్లు సమాచారం. ఎస్పీ కళ్యాణ్​ ఈ విషయాన్ని ధృవీకరించారు. ఎన్​ కౌంటర్​ సందర్భంగా డజనుకు పైగా మృతదేహాలను స్వాధీనం చేసుకున్నారు. మరికొంతమంది మృతదేహాల కోసం సెర్చింగ్​ ఆపరేషన్​ కొనసాగుతుందన్నారు. మంగళవారం వేకువజామున నుంచి కొనసాగుతున్న ఆపరేషన్​  లో నక్సల్​ టాప్​ కమాండర్​ శంకర్​ రావు కూడా హతమైనట్లు ఎస్పీ తెలిపారు. శంకర్​ రావుపై ఇప్పటికే రూ. 25 లక్షల రివార్డు ఉందని ప్రకటించారు. ఈ ఎన్​ కౌంటర్ సందర్భంగా ఇద్దరు జవాన్లు కూడా హతమయ్యారని పేర్కొన్నారు. 
ఇంకా ఛోటే బెథియా పోలీస్​ స్టేషన్​ పరిధిలోని మాద్​ ప్రాంతంలో ఎన్​ కౌంటర్​ కొనసాగుతోందని వివరించారు. అటవీ ప్రాంతంలో గాయపడిన సైనికులను రక్షించేందుకు అదనపు బలగాలను రప్పించామని తెలిపారు.  

ఛత్తీస్​ ఘడ్​ ఎన్​ కౌంటర్​ లో ఎన్నికల సందర్భంగా కూంబింగ్​ ఆపరేషన్లు ముమ్మరంగా కొనసాగుతున్నాయి. ఈ సందర్భంగా సాయుధ దళాలు కూంబింగ్​ నిర్వహిస్తుండగా నక్సల్స్​ ఆర్మీకి మధ్య కాల్పులు చోటు చేసుకున్నాయి. 18 మంది నక్సల్స్​ మృతి చెందిన వార్త దావనంలా వ్యాపించడంత ఆ ప్రాంతంలో తీవ్ర ఆందోళన వ్యక్తమవుతోంది. సామాన్య  గ్రామీణులు, గిరిజనులు తీవ్ర భయాందోళనల్లో బిక్కుబిక్కుమంటూ ఇళ్లలోనే తలదాచుకుంటున్నారు.

కాగా ఎన్​ కౌంటర్​ ను కాంకేర్​ ఎస్పీ ఐకే అలిసెలా ధృవీకరించారు. భారీ మొత్తంలో ఆయుధాలు లభించాయన్నారు. నక్సల్స్​, సాయుధ దళాలాలకు సంబంధించిన ఎన్​ కౌంటర్​ మరింత మంది మృతి చెంది ఉండే అవకాశం ఉందన్నారు. చుట్టు ప్రక్కల ప్రాంతాలలో మరిన్ని భద్రతా దళాలను మోహరించి సెర్చింగ్​ ఆపరేషన్​ కొనసాగిస్తున్నామన్నారు.