జపాన్​ పౌరులే లక్ష్యంగా బాంబు దాడి డ్రైవర్​, గార్డులు మృతి

ఇస్లామాబాద్​: పాక్​ లో జపాన్​ పౌరులే లక్ష్యంగా శుక్రవారం ఆత్మాహుతి దాడి జరిగింది. ఈ దాడిలో జపాన్​ పౌరులు తృటిలో తప్పించుకోగా డ్రైవర్​, సెక్యూరిటీ గార్డులు మృతిచెందారు. అనంతరం పోలీసులు జరిపిన కాల్పుల్లో ఇద్దరు ఉగ్రవాదులు హతమయ్యారు. వాహనంలో మొత్తం ఏడుగురు ప్రయాణిస్తున్నారు. వెంటనే వారిని పోలీసులు సురక్షిత ప్రాంతానికి తరలించారు. విదేశీయులే లక్ష్యంగా పాక్​ లోని ఉగ్రమూకలు తెగబడుతున్నాయి. గతంలో చైనా జాతీయులపై ఇదే విధంగా దాడికి పాల్పడి ఆ దేశ ఇంజనీర్లను పొట్టన బెట్టుకున్నాయి. 

మరోవైపు పాక్​ కు ఐఎంఎఫ్​ అంతర్జాతీయ ద్రవ్య నిధి సంస్థ సహాయం చేసేందుకు అంగీకరించింది. అయితే ఇదే సమయంలో పలుకీలక షరతులను విధించింది. ఈ విషయాన్ని పాక్​ మంత్రి వెల్లడించారు. త్వరలోనే పాక్​ ఆర్థిక వ్యవస్థ బలోపేతం చేసేందుకు ఐఎంఎఫ్​ తో భేటీ కానున్నట్లు వివరించారు. కాగా షరతులు ఏంటన్న విషయాన్ని మాత్రం బయటకు వెల్లడించక పోవడం గమనార్హం.