పీఎస్​ బీల్లో 11 శాతం వృద్ధి ఆర్థిక మంత్రిత్వ శాఖ

నా తెలంగాణ, న్యూ ఢిల్లీ: ప్రభుత్వ, ప్రైవేటు రంగ బ్యాంకులు 2024–25 ప్రథమార్థంలో 11 శాతం వార్షిక వృద్ధిని నమోదు చేశాయని ఆర్థికమంత్రిత్వ శాఖ మంగళవారం ఓ ప్రకటనలో తెలిపింది. ప్రథమార్థంలో వృద్ధి రూ. 236.04 లక్షల కోట్లుగా ఉందని స్పష్టం చేసింది. కేంద్ర ప్రభుత్వం గత కొన్నేళ్లుగా చేపట్టిన బ్యాంకింగ్​ సంస్కరణలతో వృద్ధిరేటు సాధ్యమయ్యిందని ఆర్థిక మంత్రిత్వ శాఖ తెలిపింది. ఇంప్లిమెంటేషన్ ఆఫ్ ఎన్‌హాన్స్ యాక్సెస్, సర్వీస్ ఎక్సలెన్స్, ఇన్‌సాల్వెన్సీ అండ్ బ్యాంక్‌ రప్ట్సీ కోడ్ అమలు చేయడం, బలమైన గవర్నెన్స్ ఫ్రేమ్‌వర్క్‌ను అమలు చేయడం వంటివి బ్యాంకింగ్​ రంగ వృద్ధికి ఊతం ఇచ్చాయన్నారు. ఈ చర్యలు స్థిరమైన ఆర్థిక ఆరోగ్యం, బ్యాంకింగ్ రంగం మొత్తం పటిష్టతకు దారితీశాయని పేర్కొన్నారు. దీంతో ప్రభుత్వ, ప్రైవేట్​ రంగ బ్యాంకుల పనితీరు మరింత మెరుగైందని ఆర్థిక శాఖ స్పష్టం చేసిది. గ్లోబల్ క్రెడిట్ పోర్ట్‌ఫోలియో 12.9 శాతం, డిపాజిట్ పోర్ట్‌ఫోలియో సంవత్సరానికి 9.5 శాతం పెరిగిందని తెలిపారు. పీఎస్​బీలు, ఏఐ, క్లౌడ్,  బ్లాక్‌చెయిన్ వంటి నూతన -యుగం సాంకేతికతలను స్వీకరించడంలో గణనీయమైన పురోగతిని సాధించాయన్నారు. అదే సమయంలో సైబర్​ భద్రతను మరింత పటిష్ఠం చేసి ఆర్థిక వ్యవస్థలను నియంత్రణలో ఉంచామన్నారు.