సైన్యం నుంచి ఉగ్రవాదంలోకి ఢిల్లీలో ఒకరి అరెస్ట్‌

న్యూఢిల్లీ: సైన్యం నుంచి పదవీ విరమణ చేసిన తర్వాత ఉగ్రవాదిగా మారిన ఓ వ్యక్తిని దేశ రాజధానిలో అరెస్టు చేసినట్లు ఢిల్లీ పోలీసులు ఒక ప్రకటనలో పేర్కొన్నారు. జమ్మూ కశ్మీర్‌లో ఓ ఉగ్ర కుట్రను భగ్నం చేసినప్పుడు అందిన సమాచారం మేరకు ఈ అరెస్టు జరిగింది. నిందితుడిని లష్కరేతోయిబాకు చెందిన రియాజ్‌ అహ్మద్‌గా గుర్తించారు. అతడు మాజీ సైనికుడు. ‘‘జమ్మూకశ్మీర్‌లో శాంతిభద్రతలకు భంగం కలిగించేందుకు రియాజ్‌, అతడి సహచరులు ప్రయత్నించారు. ఇందుకోసం వారు పాక్‌లో టెర్రరిస్టు హ్యాండ్లర్‌ నుంచి ఆయుధాలు, మందుగుండు తెప్పించేందుకు కుట్ర పన్నారు. వీటితో దాడులు చేయాలన్నది ఈ బృందం లక్ష్యం’’ అని ఢిల్లీ పోలీసులు ప్రకటించారు.