పాక్​లో పేలుళ్లు 28 మంది మృతి, 40 మందికి గాయాలు

ఇస్లామాబాద్​: పాక్​ లో ఎన్నికలకు ఒక్కరోజు ముందు భారీ బాంబుదాడులు జరిగాయి. బుధవారం జరిగిన రెండు బాంబు దాడుల్లో  28 మంది మృతి చెందగా 40 మంది గాయపడ్డారు. బలూచిస్థాన్​ లో ఈ పేలుళ్లు సంభవించాయి.

పాక్​ ఎన్నికల్లో స్వతంత్ర అభ్యర్థిగా పోటీలో ఉన్న అస్పంద్​ ఖాన్​ కకర్​ లక్ష్యంగా ఈ పేలుళ్లు చోటు చేసుకున్నట్లు మీడియా వెల్లడించింది. ఆయన కార్యాలయం బయటే బాంబు దాడులు జరిగాయి. పేలుళ్లు జరిగినప్పుడు ఆయన కార్యాలయంలో లేడు.

ఫిషిన్​ లో జరిగిన దాడుల్లో 15 మంది మృతిచెందగా, 30 మంది గాయపడ్డారు. జేయూఐ–ఎఫ్​ అభ్యర్థి మౌలానా అబ్దుల్​ వాసే లక్ష్యంగా మరో పేలుడు చోటు చేసుకుంది. దాడి జరిగినప్పుడు ఆయన బలూచ్​ లోని ఖిలా సైఫుల్లా ప్రాంతం కార్యాలయంలోనే ఉండగా, పేలుడు నుంచి తృటిలో తప్పించుకున్నాడు. ఈ దాడిలో 13 మంది మరణించగా, 10 మంది గాయపడ్డారు.

ఫిబ్రవరి 8 (గురువారం) పాక్​ లో ఎన్నికలు జరగనున్నాయి. దాడులపై బలూచ్​ చీఫ్​ సెక్రెటరీని పాక్​ ఎన్నికల సంఘం నివేదిక కోరింది.

రెండు దాడుల్లో కార్యాలయం బయట ఉన్న బైక్​ లో పేలుడు పదార్థాలతో ఉగ్రవాదులు దాడికి దిగారు. దీంతో ఆ పిషిన్​, బలూచ్​ ప్రాంతాలు  బీతావహంగా మారాయి.

దాడులపై దర్యాప్తు కొనసాగుతోంది..
పేలుళ్లపై బలూచిస్థాన్ కేర్ టేకర్ సమాచార మంత్రి జన్ అచక్జాయ్ మాట్లాడుతూ - మొదటి పేలుడు ప్రాథమిక దర్యాప్తులో పేలుడు పదార్థాన్ని బైక్‌లో ఉంచినట్లు తేలిందన్నారు. ఈ విషయంపై పూర్తి విచారణ కొనసాగుతోందన్నారు. రెండో పేలుడుకు గల కారణాలు తెలియరాలేదని పేర్కొన్నారు.

మరోవైపు ఎన్నికలను వాయిదా వేయాలనే డిమాండ్​ కూడా వినబడుతోంది. ఉగ్రవాదం, హింసాత్మక ఘటనలు, ఆర్థిక మాంద్యం కూడా కారణాలుగా పేర్కొన్నారు.