ప్రధాని మోదీ కృషితో తెలంగాణలో రైల్వే స్టేషన్ల అభివృద్ధి
తెలంగాణలో రైల్వే స్టేషన్ల ఆధునీకరణకు, అభివృద్ధికి ప్రధాని మోదీ కృషి చేస్తున్నారని కేంద్ర మంత్రి జి. కిషన్ రెడ్డి తెలిపారు.
నా తెలంగాణ, న్యూఢిల్లీ: తెలంగాణలో రైల్వే స్టేషన్ల ఆధునీకరణకు, అభివృద్ధికి ప్రధాని మోదీ కృషి చేస్తున్నారని కేంద్ర మంత్రి జి. కిషన్ రెడ్డి తెలిపారు. ‘అమృత్ భారత్ స్టేషన్స్’ పథకం మొదటి దశలో భాగంగా దాదాపు రూ.894 కోట్లతో తెలంగాణలో 21 రైల్వే స్టేషన్ల పునరాభివృద్ధి జరుగుతోందని వెల్లడించారు. భారత ప్రభుత్వం రూ.309 కోట్ల వ్యయంతో నాంపల్లి రైల్వేస్టేషన్‌ అత్యాధునికంగా మారబోతున్నదని ఆయన పేర్కొన్నారు. ఈ మేరకు నాంపల్లి స్టేషన్ ఆధునీకరణ పనులు పూర్తయితే.. ఎలా ఉంటుందో చూపే వీడియోను శనివారం ఆయన ట్విటర్ లో షేర్ చేశారు.
