విజయపూరాలో బీజేపీ విజయఢంకా

శ్రీనగర్​: జమ్మూకశ్మీర్​ నుంచి విజయపూరా స్థానానికి ఓ ప్రత్యేకత ఉంది. ఇక్కడి ప్రజలు తమ ప్రాంతం నుంచి ఎన్నికైన వారికి మంత్రి పదవిని ఇవ్వాలని కోరుకుంటారు. అదే అంశానికి కట్టుబడి ఉండి తమ ప్రాంత నాయకున్ని ఒంటిచేత్తో గెలిపించుకుంటారు. ఈ నియోజకవర్గం నుంచి 2014లో బీజేపీ తరఫున పోటీ చేసిన చంద్ర ప్రకాశ్​ గెలుపొంది పరిశ్రమల శాఖ మంత్రిగా పదవిని దక్కించుకున్నారు. అంతకుముందు ఎన్నికల్లో సుర్జీత్ సింగ్​ సలాథియా (ఎన్సీ) నుంచి గెలుపొంది విద్యుత్​ శాఖ మంత్రి అయ్యారు. అటు పిమ్మట పరిణామాలతో బీజేపీలో చేరారు. విజయపూరా నుంచి 2024 ఎన్నికల్లో బీజేపీ గట్టి పట్టుసాధించింది. ఈ ప్రాంత బీజేపీ నాయకులతో ఇటీవలే కేంద్రమంత్రి, రాష్ర్ట ఎన్నికల ఇన్​ చార్జీ జి.కిషన్​ రెడ్డి కలిసి పార్టీ పటిష్ఠతకు చర్యలు తీసుకున్నారు. విజయపురాలో బీజేపీ మరోసారి విజయఢంకా మోగించేందుకు సిద్ధమైనట్లు తెలుస్తోంది.