సీఎం హాజరుకు కోర్టు ఆదేశాలు

నా తెలంగాణ, న్యూఢిల్లీ: ఢిల్లీ సీఎం, ఆప్​ అధినేత ఈడీ విచారణకు హాజరుకావడం లేదంటూ కోర్టు వేసిన పిటిషన్లపై రావూస్​ ఎవెన్యూ కోర్టు అరవింద్​ కేజ్రీవాల్​ కోర్టులో హాజరుకావాలని గురువారం ఆదేశాలు జారీ చేసింది. దీంతో కేజ్రీవాల్​ కు మరో సంకటం ఎదురైనట్లయ్యింది. ఢిల్లీ మద్యం కుంభకోణంలో విచారణకు హాజరుకావాలంటూ ఐదుసార్లు నోటీసులు జారీ చేసినా సీఎం కేజ్రీవాల్​ హాజరుకావడం లేదంటూ పిటిషన్​ లో పేర్కొంది. కుంభకోణానికి సంబంధించి పలు విషయాలపై విచారణ జరపాల్సిన అవసరం ఉందని పేర్కొంది. కానీ సీఎం తమ నోటీసులను బేఖాతరు చేస్తున్నట్లు కనబడుతోందని కోర్టులో వేసిన పిటిషన్​ లో పేర్కొంది. ఈ నేపథ్యంలో ఆమ్​ ఆద్మీ పార్టీ స్పందించింది. కోర్టు ఆదేశాలందాయని పేర్కొంది. ఈడీ పంపిన నోటీసులన్ని చట్టపరమైనవి కావని, తాము కోర్టుకు చట్టపరంగానే నివేదిస్తామని పేర్కొంది. 
ఈడీ నోటీసులు..
మొదటిసారిగా ఈడీ 2023 నవంబర్​ 2న, రెండోసారి 2023 డిసెంబర్​ 21న, మూడోసారి 2023 జనవరి 24న, నాలుగోసారి 2024 జనవరి 18న, ఐదోసారి 2024 ఫిబ్రవరి 2న నోటీసులు జారీ చేసింది. పలువురు మద్యం వ్యాపారులకు మేలు చేకూర్చేందుకు వారికి అనుకూల నిర్ణయాలతో అబ్కారీ లైసెన్సులను జారీ చేశారనే ఆరోపణలు సీఎం కేజ్రీవాల్​ ఎదుర్కొంటున్న విషయం తెలిసిందే.