హమాస్​ చీఫ్​ గా యాహ్వా సిన్వార్​

నా తెలంగాణ, న్యూ ఢిల్లీ: హమాస్​ నూతన నాయకుడు (చీఫ్​)గా యాహ్వా సిన్వార్​ నియమితులైనట్లుగా తెలుస్తోంది. పాలస్తీనా శరణార్థి శిబిరంలో జన్మించిన ఇతను అత్యంత క్రూరత్వ ఆలోచనలు ఉన్నవాడుగా పేరు పొందాడు. ఇతన్ని గాజాలో ‘గాజా బిన్​ లాడెన్​ అని పిలవడం గమనార్హం. ఇతన్ని ఇదివరకే అమెరికా అంతర్జాతీయ టెర్రరిస్టుల గ్రూప్​ లో ఉంచింది. ఇతని కార్యకలాపాలపై నిషేధం విధించింది. అక్టోబర్​ 7న ఇజ్రాయెల్​ లో 1200మంది మరణం, 250మంది కిడ్నాప్​ వెనుక ఇతను ఉన్నట్లుగా పలుమార్లు ఇజ్రాయెల్​ ప్రకటించింది. అయితే ఇతను ఇంతవరకూ ఐడీఎఫ్​ కు చిక్కలేదు. ఇస్మాయిల్​ హనియా మృతి తరువాత హమాస్​ నాయకుడిగా ఇతడి పేరును ప్రకటించడంలో ఇజ్రాయెల్​, అమెరికాలు అప్రమత్తమయ్యాయి. 

యాహ్వా చిన్నపిల్లలకు ఆయుధాలు అప్పగించి దాడులకు పాల్పడుతుంటాడని,  బహిరంగ ఊచకోతలకు దిగుతుంటాడని కూడా అమెరికా, ఐడీఎఫ్​ లు గుర్తించాయి. హమాస్​ గూడాచార వ్యవస్థలో సిన్వార్​ కీలక నాయకుడిగా ఎదిగాడు. గతంలో ఇతన్ని ఐడీఎఫ్​ అరెస్టు చేసింది. విడుదలైన అనంతరం మరింత ప్రమాదకరంగా మారాడు.