నవంబర్ 25 నుంచిశీతాకాల సమావేశాలు
కేంద్రమంత్రి కిరణ్ రిజుజు
నా తెలంగాణ, న్యూ ఢిల్లీ: ఈ యేడాది చివరి పార్లమెంట్ శీతాకాల సమావేశాలు నవంబర్ 25 నుంచి డిసెంబర్ 20 వరకు కొనసాగనున్నాయి. ఈ మేరకు కేంద్రమంత్రి కిరణ్ రిజుజు మంగళవారం మీడియాకు తెలిపారు. ఈ సమావేశాల్లో పలు కీలకాంశాలపై చర్చ జరగనుంది. అదే సమయంలో పలు బిల్లులను కూడా ప్రవేశపెట్టనున్నారు. నవంబర్ 26న రాజ్యాంగాన్ని ఆమోదించి 75యేళ్లు పూర్తయిన సందర్భంగా పార్లమెంట్ లోని సెంట్రల్ హాల్ లో రాజ్యాంగ దినోత్సవాన్ని నిర్వహిస్తామని మంత్రి వివరించారు.
జేపీసీ (జాయింట్ పార్లమెంటరీ కమిటీ) సిఫార్సుల తరువాత వక్ఫ్ సవరణ బిల్లుపై చర్చించే అవకాశం ఉంది. భారత్–చైనా సరిహద్దు ఉద్రిక్తతలు తగ్గించడం లాంటి కీలక విషయాలపై చర్చించే అవకాశం ఉంది.
