గెలుపోటములు సహజం

నా తెలంగాణ, డోర్నకల్​:  ఆటల్లో గెలుపోటములు సహజమేనని గెలిచినవారు గెలుపుపై మరింత దృష్టి సారించాలని, అలాగే ఓటమి చెందిన వారు తాము చేసిన పొరపాట్లను సరిదిద్దుకుంటూ విజయానికి ప్రయత్నించాలని డోర్నకల్​ సిఐ ఉపేంద్ర రావు అన్నారు. మండలంలోని గొల్లచర్ల గ్రామంలో ఖాజాభాయ్​ మెమోరియల్​ ఏపీ, తెలంగాణ రెండు రాష్ట్రాల కబడ్డీ టోర్నమెంట్ ను రిబ్బన్ కట్ చేసి ప్రారంభించారు. అనంతరం మాట్లాడారు. ఆటల్లో గెలుపోటములు సహజమన్నారు. ఘర్షణలకు దిగడం తగదన్నారు. స్నేహపూర్వక వాతావరణంలోనే క్రీడలు కొనసాగాలని సిఐ తెలిపారు. టోర్నమెంట్​ ను నిర్వహించిన వారిని అభినందించారు. గ్రామీణ క్రీడలను ప్రోత్సహిస్తూ యువతలో నైపుణ్యాన్ని వెలికి తీయడం క్రీడా నిర్వాహకుల దూరదృష్టిని సిఐ ఉపేంద్ర రావు మెచ్చుకున్నారు. సరదాగా కాసేపు సిఐ కూడా కబడ్డీ కూతకు వెళ్లి క్రీడాకారులను, క్రీడా నిర్వాహకులను ఆశ్చర్యపరిచారు.