సీఎంను అర్థరాత్రి కలిసిందెందుకు?

ముంబాయి: మహారాష్ర్టలో ఎన్నికల ప్రకటనకు ముందే రాజకీయాలు వేడెక్కుతున్నాయి. ఆర్థిక రాజధానిగా పేరొందిన ముంబాయిలో మంగళవారం అర్థరాత్రి సీఎం షిండేను కలిసేందుకు ప్రముఖ వ్యాపారవేత్త కుమారుడు అనంత్​ అంబానీ, శివసేన అధినేత ఉద్దవ్​ ఠాక్రేలు కలిశారు. కేంద్రమంత్రి అమిత్​ షా మహా పర్యటనలో మహాయుతి విజయం తథ్యమని ప్రకటన వెలువడిన వెంటనే అదే రోజు రాత్రి వీరిద్దరూ సీఎం షిండేతో భేటీ ప్రాధాన్యతను సంతరించుకుంది. మహారాష్ర్టలో కాంగ్రెస్​ కు ఏ మాత్రం అవకాశం ఇవ్వవద్దనే లక్ష్యంతో బీజేపీ పావులు కదుపుతున్నట్లు రాజకీయ విశ్లేషకులు భావిస్తున్నారు. ఈ నేపథ్యంలోనే ఈ సమావేశం అత్యంత ప్రాధాన్యత సంతరించుకుంది. మహాయుతిలో శివసేన ఉద్ధవ్​ ఠాక్రే కూడా చేరతారా? అనే ప్రశ్నలు తలెత్తుతున్నాయి. ఉద్దవ్​ అంటే రాజకీయ నాయకుడే కాబట్టి ఈ కలయికకు అంత ప్రాధాన్యత ఉండడం సహజమేనంటున్నారు. అదే సమయంలో అనంత్​ అంబానీ కలవడం వెనుకే పరమార్థం అర్థం కావడం లేదని భావిస్తున్నారు. మహారాష్ర్టలో త్వరలో 228 అసెంబ్లీ స్థానాల్లో ఎన్నికలు నిర్వహించనున్నట్లు ఈసీ ప్రకటించింది.