శ్రీలంకకు ధోవల్​ నాలుగుదేశాల భద్రతా సమావేశం

కొలంబో: భారత్​, శ్రీలంక, మాల్దీవులు, మారిషస్​ నాలుగు దేశాల సమావేశానికి భారత జాతీయ భద్రతా సలహాదారు అజిత్​ ధోవల్​ ఒకరోజు ముందే గురువారం శ్రీలంక చేరుకున్నారు. శుక్రవారం శ్రీలంక రాష్ర్టపతి రణిల్​ విక్రమ సింఘేతో ధోవల్​ భేటీ కానున్నారు. ఈ సమావేశంలో నాలుగు దేశాల అంతర్గత, బాహ్య భద్రతకు సంబంధించిన విషయాలపై చర్చించనున్నారు. ఆయా దేశాల భద్రతా సలహాదారులు ఈ సమావేశంలో పాల్గొంటారు. సముద్ర భద్రత, ఉగ్రవాదం, సైబర్​ దాడులు, హిందూ మహాసముద్రంలో ఆధిపత్య ధోరణిపై నాలుగు దేశాలు కీలక చర్చలు జరపనున్నాయి.