జాతీయ రహదారి నిర్మాణానికి రూ. 495.5 కోట్ల నిధులు

ఢిల్లీ: భారతదేశంలో కనెక్టివిటిని మెరుగుపరిచేందుకు కృషిలో భాగంగా ఉత్తరాఖండ్​లోని ఉదమ్​సింగ్​నగర్, నైనిటాల్​ జిల్లాల్లో జాతీయ రహదారి 121 కాశీపూర్ ను రామ్​నగర్​ సెక్షన్​గా అప్​గ్రేడ్​ చేసేందుకు రూ. 495.45 కోట్లు కేటాయించినట్లు కేంద్ర రోడ్డు రవాణా, రహదారుల శాఖ మంత్రి మంగళవారం ఎక్స్​ సామాజిక మాధ్యమం వేదికగా తెలిపారు. రహదారి నిర్మాణం సందర్భంగా పలు నిర్మాణాలకు నష్టం వాటిల్లనుండడంతో దీనిపై న్యాయ వివాదం నెలకొంది. ఈ నేపథ్యంలో కేంద్ర అధికారులు గత కొన్ని రోజుల క్రితం జరిపిన చర్చల ద్వారా సమస్యను పరిష్కరించారు. దీంతో జాతీయ రహదారి నిర్మాణానికి అడ్డంకులు తొలగినట్లయింది. మరోవైపు ప్రభుత్వం నిధులను విడుదల చేయడంతో ఇక రహదారి నిర్మాణ పనుల్లో వేగం పుంజుకోనుంది. ఈ కనెక్టివిటి ద్వారా మొరాదాబాద్, రాంపూర్, ఢిల్లీ, లక్నో లకు చేరుకోవచ్చు. ఈ రహదారి కాశీపూర్​ రామ్​నగర్​సెక్షన్​ జిమ్​ కార్బెట్​ నేషనల్​పార్క్​కు కనెక్టివిటీని మెరుగుపర్చనుంది.