రెండో‘స్సారీ’ కేజ్రీ పిటిషన్​ తిరస్కరణ

న్యూఢిల్లీ: మద్యం కుంభకోణం కేసులో సీఎం కేజ్రీవాల్​ వేసుకున్న పిటిషన్​ ను మరోమారు కోర్టు తిరస్కరించింది. వారానికి ఐదుసార్లు న్యాయవాదులను కలవాలన్న డిమాండ్​ ను హైకోర్టు బుధవారం తోసిపుచ్చింది. దీంతో రెండోసారి సీఎం కేజ్రీవాల్​ కు షాక్​ తగిలినట్లయింది. మంగళవారమే అరెస్టు అక్రమమంటూ వేసిన పిటిషన్​ ను కోర్టు తిరస్కరించిన విషయం తెలిసిందే. వారానికి రెండుసార్లు మాత్రమే న్యాయవాదులను కలవొచ్చని కోర్టు పేర్కొంది. కేజ్రీవాల్​ తరఫున న్యాయవాది వివేక్​ జైన్​ వాదించారు. కేజ్రీవాల్​ పై 35 నుంచి 40 కేసులు పెండింగ్​ లో ఉన్నాయని తెలిపారు. దీన్ని దృష్టిలో పెట్టుకునే న్యాయవాదులతో కనీసం వారంలో ఐదుసార్లయినా కలవాల్సి ఉంటుందని కోర్టుకు విజ్ఞప్తి చేశారు. సంజయ్​ సింగ్​ పై 5 నుంచి 8 కేసులు మాత్రమే ఉన్నా, మూడు సమావేశాలను అనుమతించారని కోర్టుకు తెలిపారు. వాదనలు విన్న కోర్టు కేవలం రెండుసార్లకు మాత్రమే న్యాయవాదులను కలిసేందుకు అనుమతినీయడం గమనార్హం.