సనాతనాన్ని కించపరిచే వారికి బుద్ధి చెబుతాం
మోదీ ఆధ్వర్యంలో దేశాభివృద్ధికి పాటుపడతాం మధ్యప్రదేశ్ సీఎం మోహన్ యాదవ్
భోపాల్: మోదీ హయాంలో సనాతన ధర్మాన్ని కించపరిచే వారికి బుద్ధిచెప్పేందుకే తాము ఉన్నామని మధ్యప్రదేశ్ ముఖ్యమంత్రి మోహన్ యాదవ్ అన్నారు. తన ప్రాంతంలో కేవలం 500మంది యాదవులు ఉన్నా ఆయన నన్ను ముఖ్యమంత్రిని చేశారని ఆయనకు బీసీ,ఎస్సీ, ఎస్టీ వర్గాలంటే ఎంత అభిమానమే ఇట్టే తెలుస్తోందని కొనియాడారు. యూపీ ఎన్నికల ప్రచారంలో భాగంగా సీఎం మోహన్ యాదవ్ గిన్నౌర్ లో శుక్రవారం జరిగిన బహిరంగ సభలో ప్రసంగించారు. నాలుగు రోజుల తరువాత ఇక్కడ ఓటింగ్ జరగనుందని మతాన్ని కించపరిచే వారికి ప్రజలు తగిన బుద్ధి చెప్పేందుకు సిద్ధంగా ఉండాలన్నారు. మతం విషయంలో తాము ఎప్పుడూ రాజీపడబోమని తేల్చి చెప్పారు.
మోదీ నేతృత్వంలోని ‘సబ్ కా సాథ్ సబ్ కా వికాస్’ కోసం పనిచేస్తానని పునరుద్ఘాటించారు. యూపీలో గత ప్రభుత్వాలు వారి కుటుంబీకులనే సీఎంలను చేశాయి కానీ ఇతరులెవరినైనా చేశాయా? అని సీఎం మోహన్ యాదవ్ ప్రశ్నించారు.
