57 లోక్​ సభ, 42 అసెంబ్లీ స్థానాలకు ఓటింగ్​

నా తెలంగాణ, న్యూ ఢిల్లీ: ఏడో దశ ఎన్నికలకు కేంద్ర ఎన్నికల సంఘం అంతా సిద్ధం చేసినట్లు శుక్రవారం ప్రకటన విడుదల చేసింది.  8 రాష్​ర్టాలు , 57 లోక్​ సభ స్థానాలు, ఒడిశాలోని 42 అసెంబ్లీ స్థానాలకు జూన్​ 1 (శనివారం)న పోలింగ్​ నిర్వహించనుంది. 41 స్థానాలు జనరల్​, ఎస్టీ–3, ఎస్సీ, –13 స్థానాలను కేటాయించింది. 10.9 లక్షల మంది అధికారులు, 1.09 లక్షల పోలింగ్​ స్టేషన్లను ఈసీ ఏర్పాటు చేసినట్లు తెలిపింది. మొత్తం 10.6 కోట్ల మంది ఓటర్లుండగా, పురుషులు 5.24 కోట్లు, 4.82 కోట్ల మహిళా ఓటర్లుండగా, థర్డ్​ జెండర్​ 3547 మంది ఉన్నట్లు తెలిపింది. ఈ ఎన్నికలకు 13 ప్రత్యేక రైళ్లను నడపనుండగా 8 హెలికాప్టర్లలో ఎన్నికల సామాగ్రి, సిబ్బందిని తరలించామని తెలిపింది. మొత్తం 172 మైక్రో అబ్జర్వర్ల బృందాలను ఏర్పాటు చేసింది. 2707 ఫ్లయింగ్​ స్క్వాడ్​ బృందాలు, 2799 ఆర్థిక సర్వేలెన్స్​ బృందాలు, 1080 సర్వేలెన్స్​ బృందాలు, 560 వీడియో బృందాలను ఏర్పాటు చేసినట్లు ఈసీ స్పష్టం చేసింది. సరిహద్దు ప్రాంతాల్లో 201 చెక్​ పోస్టులను ఏర్పాటు చేయగా, ఎన్నికలు నిర్వహించనున్న అన్ని ప్రాంతాల్లో 906 చెక్​ పోస్టులను ఏర్పాటు చేశారు.