నలుగురు బీఆర్​ఎస్​ నేతలపై కేసులు

ఎన్నికల కోడ్​ ఉల్లంఘించినందుకు చర్యలు

నా తెలంగాణ, హైదరాబాద్‌: ఎన్నికల కోడ్​ ఉల్లంఘించిన కేసులో నలుగురు బీఆర్​ఎస్​ నాయకులపై కేసు నమోదైంది. బీఆర్​ఎస్​ వర్కింగ్​ ప్రెసిడెంట్​, సిరిసిల్ల ఎమ్మెల్యే కేటీఆర్​, ఎమ్మెల్యేలు పద్మారావు, మాగంటి గోపినాథ్, రాజయ్యపై ఎఫ్​ఐఆర్​ ఫైల్​ అయింది. ఈసీ నుంచి ముందస్తు అనుమతి లేకుండా వీరు ఇటీవల చార్మినార్​ వద్దకు వెళ్లి ఆందోళన నిర్వహించారు. ప్రభుత్వం తెలంగాణ చిహ్నం నుంచి చార్మినార్​ ను, కాకతీయుల కళా తోరణాన్ని తొలగించడంపై ధర్నా నిర్వహించారు. కాగా ఎన్నికల కోడ్​ అమలులో ఉన్నందున ఈసీ అనుమతి లేకుండా ధర్నాలు, ఆందోళనలు నిర్వహించకూడదు. నిర్వహిస్తే కోడ్​ ఉల్లంఘన కిందకే వస్తుంది. దీంతో చార్మినార్​ వద్ద బీఆర్​ఎస్​ నేతలు ధర్నా చేసినందుకు ఎన్నికల అధికారుల ఫిర్యాదు మేరకు పోలీసులు కేసులు నమోదు చేశారు.