ప్రతి రక్తపు బొట్టుకు ప్రతీకారం

శ్రీనగర్​: ఉగ్రవాదులు చిందించే ప్రతి రక్తపు బొట్టుకు ప్రతీకారం తీర్చుకుంటామని జమ్మూకశ్మీర్​ లెఫ్ట్​ నెంట్​ గవర్నర్​ మనోజ్​ సిన్హా హెచ్చరించారు. శనివారం హమ్‌హమాలోని ఎస్‌టిసిలో బోర్డర్ సెక్యూరిటీ ఫోర్స్ (బిఎస్‌ఎఫ్) పరేడ్​ లో పాల్గొని ప్రసంగించారు. ఉగ్రదాడులపై బీఎస్​ఎఫ్​ మరింత అప్రమత్తంగా ఉండాల్సిన అవసరం ఉందన్నారు. ప్రతీకారం తీర్చుకోవాలని భద్రతా బలగాలు నిర్ణయించుకున్నాయని ఎల్జీ తెలిపారు. లోయలో అమాయకుల ప్రాణాలు తీసే ఉగ్రవాదాన్ని పూర్తిగా అణగదొక్కేందుకు భద్రతా బలగాల సామర్థ్యాలను పూర్తిగా ఉపయోగిస్తామన్నారు. స్వాతంత్ర్య సిద్ధించినప్పటి నుంచీ పాక్​ తన వక్రబుద్ధిని వీడడం లేదని, ఉగ్రవాద కార్యకలాపాలను కొనసాగిస్తూనే ఉందని మండిపడ్డారు. జమ్మూకశ్మీర్​ అభివృద్ధికి ఆటంకం కలిగించే ఎలాంటి చర్యలను ఉపేక్షించబోమన్నారు. ఉగ్రవాదాన్ని నిర్మూలించడంలో జమ్మూకశ్మీర్​ లోని ప్రతీ ఒక్కరూ కేంద్ర, రాష్​ర్ట ప్రభుత్వాలతో కలిసి రావాలన్నారు. జమ్మూకశ్మీర్​ లో శాంతిని భగ్నం చేయాలని చూస్తే పరిణామాలు తీవ్రంగా ఉంటాయని హెచ్చరించారు.