GKR: బస్తీ పర్యటనకు విశేష స్పందన

•  అడుగడుగునా కిషన్​ రెడ్డికి ప్రజల స్వాగతం
  
  
•  సికింద్రాబాద్​ పార్లమెంట్​ లో పర్యటిస్తున్న కేంద్ర మంత్రి
  
  
•  బస్తీ ప్రజలు, అపార్ట్​ మెంట్​ వాసులతో ఆత్మీయ సమ్మేళనాలు
  
  
•  ఎంపీ ఎన్నికల్లో మద్దతుగా నిలబడతామని స్వచ్ఛందంగా ప్రకటనలు

నా తెలంగాణ, హైదరాబాద్​: సికింద్రాబాద్​ పార్లమెంట్​ నియోజకవర్గ పరిధిలో కేంద్ర మంత్రి జి.కిషన్​ రెడ్డి చేపట్టిన బస్తీ పర్యటనకు విశేష స్పందన వస్తున్నది. అడుగడుగునా ప్రజలు ఆయనకు స్వాగతం పలుకుతున్నారు. బస్తీ ప్రజలు, అపార్ట్​ మెంట్​ వాసులనే తేడా లేకుండా అందరితో ఆయన మమేకమవుతున్నారు. ఆత్మీయ సమ్మేళనాలు నిర్వహిస్తూ.. ముందుకు సాగుతున్నారు. ఈ మేరకు గురువారం అంబర్​ పేట్ అసెంబ్లీ, నల్లకుంట డివిజన్, చైతన్య నగర్, సంజీవయ్య నగర్​, ఇందిరానగర్, వెజిటేబుల్ మార్కెట్, వెంకటేశ్వర నగర్ లో కిషన్​ రెడ్డి పర్యటించారు. ఈ పర్యటన లో కిషన్ రెడ్డికి కాలనీల్లో మహిళలు మంగళహారతులతో స్వాగతం పలికారు. కాలనీ పెద్దలను, పుర ప్రముఖులను, కార్యకర్తలను పలకరిస్తూ ఆయన ముందుకు సాగారు. వివిధ వెల్ఫేర్ అసోసియేషన్ సభ్యులతో కలిసి మాట్లాడారు. 

దేశం కోసం మోదీని గెలిపించాలి

ఈ సందర్భంగా కిషన్​ రెడ్డి తన పర్యటనలో కాలనీవాసులతో గత పదేండ్లలో మోదీ ప్రభుత్వ పనితీరు, దేశ ప్రగతిని వివరిస్తున్నారు. ఈసారి దేశం కోసం ఓటు వేయాలని, అభివృద్ధి కోసం ఓటు వేయాలని, మన పిల్లల భవిష్యత్​ కోసం మోదీకి ఓటు వేయాలని కోరుతున్నారు. తెలంగాణలో బీఆర్​ఎస్​ ఆవశ్యకత లేదని, బీఆర్​ఎస్​, కాంగ్రెస్​ రెండు పార్టీలు ఒక్కటేననే విషయాన్ని వివరిస్తున్నారు. బీఆర్​ఎస్​, కాంగ్రెస్​ పార్టీల్లో ఏ పార్టీకి ఓటు వేసినా వృథానే అవుతుందనే విషయాన్ని గుర్తు చేస్తున్నారు. రాష్ట్రంలో మెజార్టీ బీజేపీ ఎంపీలను గెలిపించి రాష్ట్ర అభివృద్ధికి సహకరించాలని కోరుతున్నారు. ఆయన మాటలకు ఆయా కాలనీల ప్రజలు, బస్తీవాసులు స్వచ్ఛందంగా బీజేపీకే ఓటు వేస్తామని స్పష్టం చేస్తున్నారు.