సిద్ధాంతానికి ఉద్దవ్ వ్యతిరేకం
అందుకే బయటికొచ్చాం: సీఎం ఏక్ నాథ్ షిండే
ముంబాయి: సిద్ధాంతానికి వ్యతిరేకంగా వెళ్లినందుకే ఉద్దవ్ ఠాక్రేను వీడాల్సి వచ్చిందని మహారాష్ర్ట సీఎం ఏక్ నాథ్ షిండే అన్నారు. థాకరే అత్యాశ కూడా పార్టీ విచ్ఛిన్నానికి దారితీసిందన్నారు. శనివారం ఆయన మీడియాతో మాట్లాడారు. ఠాక్రే వ్యక్తిగత, అనుబంధాల ఉచ్చులో చిక్కుకోవడంతోన పార్టీని పడగొట్టాల్సిన పరిస్థితి తలెత్తిందన్నారు. సీఎం కావాలనే కోరనికతో ఆయన ఎవ్వరి మాట వినలేదరన్నారు. బాలాసాహెబ్ పోరాడిన కాంగ్రెస్ లోకే చివరకు వెళ్లారన్నారు. శివసేన (ఉద్ధవ్) పతనం అంచున ఉందన్నారు. కాంగ్రెస్ ను దూరం పెట్టాని ఎన్నోసార్లు ఉద్దవ్ ఠాక్రేకు వివరించానని తెలిపారు. కానీ ఆయన ఏనాడూ పట్టించుకోలేదన్నారు. చూస్తూ చూస్తూ శివసేన పార్టీ నష్టాలను చవిచూడడం ప్రారంభించిందన్నారు. దీన్ని చూడలేక మహారాష్ర్ట ప్రజల గొంతుకను నిలబెట్టాలనే ఆలోచనతోనే ఉద్దవ్ ను వీడి బీజేపీతో కలిసి సంకీర్ణ ప్రభుత్వాన్ని ఏర్పాటు చేశామన్నారు. ప్రస్తుతం ప్రజలు కూడా ఇదే సంకీర్ణం మళ్లీ అధికారంలోకి రావాలని కోరుకుంటున్నట్లు తెలిపారు.
