హౌరా నుంచే పోటీ బాబూన్​ సంబంధాలు లేవన్న సీఎం బెనర్జీ

కోల్​కతా: టీఎంసీ అధినేత్రి మమతా బెనర్జీకి ఆమె సోదరుడు బాబూన్​ఝలక్​ ఇచ్చాడు. హౌరా స్థానం నుంచి టీఎంసీ అభ్యర్థిపై పోటీకి దిగనున్నట్లు బుధవారం ప్రకటించాడు. ఆ స్థానంలో పోటీపై బాబూన్​ ఆశలు పెట్టుకున్నాడు. హౌరా నుంచి టీఎంసీ అభ్యర్థిగా ప్రసూన్​ బెనర్జీ పేరును ప్రకటించారు. దీంతో ఆగ్రహం వ్యక్తం చేసిన బాబూన్​ మమత నిర్ణయంపై మండిపడ్డారు. సమర్థవంతమైన నాయకత్వాన్ని విస్మరించారని ఆరోపించారు. కాగా సోదరుడి నిర్ణయంపై మమత మాట్లాడుతూ.. చాలా రోజులుగా తనకు తన సోదరుడు బాబూన్​ కుటుంబంతో ఎలాంటి సంబంధాలు లేవని ప్రకటించడం గమనార్హం. స్వతంత్ర అభ్యర్థిగా బూబన్​ హౌరా నుంచి పోటీలో ఉండనున్నట్లు స్పష్టం చేశాడు. మరోవైపు పశ్చిమ బెంగాల్​లో కూటమికి ఝలక్​ ఇచ్చి అన్ని స్థానాల్లో పోటీకి దిగుతున్న టీఎంసీ మేఘాలయలోనూ కూటమిని కాదని తమ అభ్యర్థులను రంగంలోకి దింపడం విశేషం. దీంతో మమతా బెనర్జీ నిర్ణయాలు కూటమిలోని ప్రధాన పార్టీ కాంగ్రెస్​కు మింగుడుపడడం లేదు.