సోపోర్​ లో ఎన్​ కౌంటర్​ ఇద్దరు ఉగ్రవాదులు హతం

శ్రీనగర్​: సోపోర్ లో సీఆర్పీఎఫ్​ బలగాలు ఇద్దరు ఉగ్రవాదులను మట్టుబెట్టాయి. వీరి గురువారం రాత్రి నుంచి చాందీపూరాలోని ఒక రేకుల షెడ్డు కింద దాగి భద్రతా బలగాలపై కాల్పులకు తెగబడుతున్నారు. శుక్రవారం సాయంత్రం వీరిద్దరిని భద్రతా బలగాలు డ్రోన్​ కెమెరా సహాయంతో గుర్తించి ఎన్​ కౌంటర్​ చేశాయి. వీరి వద్ద నుంచి భారీగా ఆయుధాలు లభించినట్లు సోపోర్​ ఎస్పీ దివ్య తెలిపారు. సుమారు ఆకాశంలో మూడుకిలోమీటర్ల దూరంలో ఉన్న డ్రోన్​ ఉగ్రవాదుల వీడియోలు, ఫోటోలను స్పష్టంగా చూసిన భద్రతా బలగాలు ఆపరేషన్​ ను ప్రారంభించాయి. డ్రోన్​ వైపు చూస్తూ ఉగ్రవాదులు నక్కే ప్రయత్నం చేశారు. కానీ బలగాల కంటికి చిక్కి ఎన్​ కౌంటర్​ లో హతమయ్యారు. ఉత్తర కశ్మీర్​ లోని కొండప్రాంతాల నుంచి చొరబడి విధ్వంసాలు సృష్టించేందుకు ప్రయత్నిస్తున్నారు. చలితీవ్రత పెరగడంతో వీరు కొండ ప్రాంతాల నుంచి కిందకు వచ్చి అటవీ ప్రాంతాల్లో నక్కి దాడులకు తెగబడుతున్నారు. ఈ విషయాన్ని గుర్తించిన భద్రతా సిబ్బంది కొండ ప్రాంతాలపై నిఘాను పటిష్టం చేసింది. అదే సమయంలో ఉత్తర కశ్మీర్​ లో ఉగ్రవాదులు చొరబడుతున్న పలు మార్గాలను గుర్తించి వాటిపై నిఘాను పటిష్టం చేసింది. ఒక ఉగ్రవాది పాక్​ కు చెందిన వాడు కాగా, మరొకరు జమ్మూకశ్మీర్​ కు చెందినవాడని ఎస్పీ దివ్య తెలిపారు.