బీజాపూర్​ లో ఎన్​ కౌంటర్​ ఇద్దరు నక్సల్స్​ మృతి

బీజాపూర్​:  బీజాపూర్​ లో భద్రతా బలగాలు, నక్సలైట్లకు జరిగిన కాల్పుల్లో ఇద్దరు నక్సలైట్లు మృతి చెందారు. శుక్రవారం సాయంత్రం జరిగిన ఈ కాల్పులు బాసగూడ, ఉసూర్​, పమేడ్​ ప్రాంతాల్లో జరిగాయి. ఈ ప్రాంతాల్లో కూంబింగ్​ నిర్వహిస్తున్న భద్రతా దళాలపై నక్సలైట్లు కాల్పులు ప్రారంభించారు. దీంతో భద్రతా బలగాలు ఎదురు కాల్పులు ప్రారంభించాయి. సంఘటనా స్థలం నుంచి ఒక ఎస్​ ఎల్​ ఆర్​, ఇతర ఆయుధాలు, మందుగుండు సామాగ్రిని స్వాధీనం చేసుకున్నట్లు భద్రతా బలగాలు ప్రకటించాయి. బీజాపూర్​ లో ఎస్టీఎఫ్​, డీఆర్జీ, సీఆర్పీఎఫ్​ ల ఉమ్మడి ఆపరేషన్​ కొనసాగుతుంది. ఈ నేపథ్యంలో కాల్పుల ఘటన చోటు చేసుకుంది. కాగా కాల్పుల్లో మృతిచెందిన నక్సలైట్లు ఎవరనేది గుర్తించే పనిలో భద్రతాధికారులు నిమగ్నమయ్యారు.