సోపోర్​ లో ఎన్​ కౌంటర్​  ఇద్దరు ఉగ్రవాదులు హతం

శ్రీనగర్​: జమ్మూకశ్మీర్​ సోపోర్​ హడిపోరాలో భద్రతా దళాలు ఇద్దరు ఉగ్రవాదులను హతమార్చాయి. బుధవారం సెర్చింగ్​ ఆపరేషన్​ లో ఉన్న భద్రతా దళాలపై ఉగ్రవాదులు కాల్పులు జరిపారు. దీంతో అప్రమత్తమైన భద్రతా దళాలు ఎదురు కాల్పులు జరిపాయి.  ఉగ్రవాదులు ఉన్న సమాచారంతో భద్రతా దళాలు సెర్చింగ్​ ఆపరేషన్​ చేపట్టాయి. ఎదురు కాల్పుల్లో ఓ జవాన్​ కు కూడా బుల్లెట్​ గాయాలయ్యాయి. అతన్ని వెంటనే స్థానిక ఆసుపత్రికి తరలించి చికిత్సనందిస్తున్నారు. కాగా సెర్చింగ్​ ఆపరేషన్​ సమయంలో స్థానికంగా ఉన్న పలు దుకాణా సముదాయాలను భద్రతా బలగాలు ముందుజాగ్రత్తగా మూయించి వేశాయి. మరోవైపు సెర్చింగ్​ ఆపరేషన్​ లో అనుమానాస్పద బ్యాగు, సైనిక దుస్తులు, కాట్రిడ్జ్​ లు స్వాధీనం చేసుకున్నారు.