ట్రంప్​ హెచ్చరిక బేఖాతర్​

మరో ఇద్దరు ఇజ్రాయెల్​ బందీల మృతదేహాలు లభ్యం

జెరూసలేం: బందీలను విడుదల చేయాలని అమెరికా అధ్యక్షుడిగా ఎన్నికైన డొనాల్డ్ ట్రంప్ హమాస్‌ కు చేసిన హెచ్చరికల మరుసటి రోజే బందీలలో యూసఫ్​ అల్​ జదానీ (53) మృతదేహం లభ్యంకావడం ఇజ్రాయెల్​ లో కలకలం రేపుతుంది. ఈయన మృతిపై ఇజ్రాయెల్​ అధ్యక్షుడు నెతన్యాహు సంతాపం వ్యక్తం చేశారు. ఇతనితోపాటు జదానీ కుమారుడి మృతదేహం కూడా లభ్యమైంది. హమాస్​ వద్ద ఉన్న వందమంది బంధితులు సజీవంగా ఉండకపోవచ్చనే అనుమానాల నేపథ్యంలో ఇజ్రాయెల్​ కనీసం 50 మంది బతికే ఉన్నారని భావిస్తుంది. ఈ నేపథ్యంలో ట్రంప్​ హెచ్చరికలు చేసినట్లు తెలుస్తుంది. అయితే లభించిన మృతదేహాలు ట్రంప్​ హెచ్చరిక తరువాతనే వీరిని చంపినట్లుగా తెలుస్తుందని అధికారులు గుర్తించారు. 

2023 నవంబర్​ లో జరిగిన హమాస్​ మారణకాండలో 1200మంది మృతిచెందారు. అటుపిమ్మట ఇజ్రాయెల్​ దాడుల్లో 50వేలమందికి పైగా పాలస్తీయన్లు, గాజా, హమాస్​, లెబనాన్​ లోని ప్రజలు, ఉగ్రవాదులు చనిపోయారు. ఆయా ప్రాంతాలు పూర్తిగా భస్మిపటలం అయ్యాయి. ప్రస్తుతం ఆయా ప్రాంతాలు నివాస యోగ్యంగా లేవు. ఇటీవల యూఎన్​ నేతృత్వంలో జరిగిన చర్చల్లో యుద్ధం ముగించాలని ఇజ్రాయెల్​, హమాస్​ లు నిర్ణయించాయి. కానీ ఇరువురు కూడా ఒకరిపై ఒకరు దాడులు చేసుకుంటూనే ఉన్నారు.