నవ భారత్​ నిర్మాణంలో యువత సేవలు వినియోగించుకోవాలి

నా తెలంగాణ, న్యూ ఢిల్లీ: నవ భారత్​ నిర్మాణంలో యువతను భాగస్వామ్యం చేసేందుకు ఎంవై ఫ్లాట్​ ఫామ్​ ను ఏర్పర్చనున్నామని కేంద్ర యువజన వ్యవహారాలు, క్రీడల శాఖ మంత్రి మన్సూఖ్​ మాండవీయా అన్నారు.  న్యూ ఢిల్లీలోని ఆయన కార్యాలయం నుంచి రాష్ట్రాలు, కేంద్ర పాలిత ప్రాంతాలకు చెందిన యువజన శాఖల మంత్రులతో వర్చువల్ సమావేశాన్ని బుధవారం నిర్వహించారు. 

విజన్​ సాకారానికి అన్ని రాష్ర్టాలు కలిసి పనిచేయాలన్నారు.  ఎంవై ద్వారా యువత భాగస్వామ్యం మరింత పెంచాలన్నారు. యువతలో స్ఫూర్తిని పెంచే సేవా సే సీఖే (సేవ చేస్తూ నేర్చుకోవడం)ను రూపొందించామన్నారు. ఈ కార్యక్రమంలో భాగంగా యువత ఆసుపత్రులు,  రోగుల సహాయాన్ని అందించడంలో భాగస్వాములను చేయాలన్నారు.  దేశంలో కొనసాగుతున్న అన్ని రకాల కార్యక్రమల్లో యువత సేవలను విరివిగా వినియోగించుకుంచుకునేలా ప్రణాళికలు రూపొందించుకోవాలన్నారు. స్వచ్ఛభారత లో కూడా యువతను భాగస్వామ్యం చేయాలని మాండవీయా రాష్ర్టాలకు సూచించారు.