ఉగ్రవాదమే అతిపెద్ద ముప్పు

సెయింట్ పీటర్స్‌బర్గ్: ఉగ్రవాదమే ప్రపంచానికి అతిపెద్ద ముప్పు అని భారత జాతీయ భద్రతా సలహాదారు అజిత్​ దోవల్​ అన్నారు. బుధవారం రష్యా పర్యటనలో ఉన్న ఆయన సెయింట్​ పీటర్స్​ బర్గ్​ లో బ్రిక్స్ ఎన్​ఎస్​ఏ​ సమావేశంలో పాల్గొని మాట్లాడారు. ఆధునిక భద్రతతో సవాళ్లను ఎదుర్కోవాల్సిన ఆవశ్యత ఉందని నొక్కి చెప్పారు. రష్యా–ఉక్రెయిన్​ ల మధ్య జరుగుతున్న యుద్ధం ముగింపునకే ఈ భేటీ నిర్వహించారు. ఇందులో భారత్​ విధానం స్పష్టంగా ఉందన్నారు. ఇరుదేశాలు శాంతి చర్చలను ప్రారంభించాలని దోవల్​ విజ్ఞప్తి చేశారు. అక్టోబర్​ లో బ్రిక్స్​ సదస్సుకు ముందు ఈ సమావేశం అత్యంత ముఖ్యమైనదిగా భావిస్తున్నారు. బ్రిక్స్​ సదస్సులో ప్రధాని మోదీ పాల్గొననున్నారు.