నిలకడగానే బీజేపీ ఎంపీల ఆరోగ్యం

నా తెలంగాణ, న్యూఢిల్లీ: పార్లమెంట్‌ కాంప్లెక్స్‌లో దాడికి గురైన బీజేపీ నాయకుల ఆరోగ్య పరిస్థితిపై రామ్​ మనోహర్​ లోహియా ఆసుపత్రి వర్గాలు శనివారం హెల్త్​ బులెటిన్​ విడుదల చేశాయి. సారంగికి గాయమైన చోట చర్మం వాపు వచ్చిందని, రంగు మారిందన్నారు. ముకేష్​ రాజ్​ పుత్​ ఆరోగ్యం నిలకడగా ఉన్నా, బీజేపీ కంట్రోల్​ లో తేడాలున్నాయన్నారు. ఆయన అబ్జర్వేషన్​ కొనసాగనుందన్నారు. సారంగికి కనుబొమ్మపైన చిన్నపాటి గాయానికి సిటి స్కాన్​, ఎంఆర్​ ఐ చేశామన్నారు. రిపోర్ట్​ లలో అంతా నార్మల్​ గా ఉందన్నారు.

మరోవైపు శనివారం ఉదయం పలువురు బీజేపీ నాయకులు సారంగి, రాజ్​ పుత్​ లను పరామర్శించారు. వారి ఆరోగ్య పరిస్థితిని వైద్యులను అడిగి తెలుసుకున్నారు. అనంతరం మీడియాతో మాట్లాడారు. రాహుల్​ గాంధీ ఎంపీలపై పార్లమెంట్​ లో చేసిన ఈ దాడిని ఖండిస్తున్నట్లు తెలిపారు. ఇందుకు మూల్యం వారు చెల్లించుకోక తప్పదన్నారు. పరామర్శించిన వారిలో రక్షణ శాఖ మంత్రి రాజ్​ నాథ్​ సింగ్​, బీజేపీ నేత సంబిత్​ పాత్ర తదితరులున్నారు. ఈ దాడులపై ఇప్పటికే రాహుల్​ గాంధీపై ఆరు సెక్షన్ల కింద ఎఫ్​ ఐఆర్​ నమోదైంది. క్రైమ్​ బ్రాంచ్​ కు ఈ కేసును అప్పగించారు.