కజాన్​ లో డ్రోన్లతో భారీ దాడులు

ఉక్రెయిన్​ దాడుల్లో వాణిజ్య భవనాలకు భారీ నష్టం
50 డ్రోన్లతో దాడి, ఎమర్జెన్సీ ప్రకటించిన ప్రభుత్వం
పాఠశాలలు, కళాశాలలు మూసివేత

మాస్కో: రష్యా కజాన్​ లో ఉక్రెయిన్​ 50 డ్రోన్​ బాంబులతో విరుచుకుపడింది. దీంతో మూడు వాణిజ్యభవనాలకు తీవ్ర నష్టం వాటిల్లింది. మొత్తం ఆరు భవనాలపై డ్రోన్​ దాడులు జరిగాయి. శనివారం ఉదయం ఉక్రెయిన్​ ఈ దాడులను చేసింది. దీంతో రష్యా ప్రభుత్వం అప్రమత్తమైంది. కజాన్​ లో ఎమర్జెన్సీ విధించింది. ఆకాశమార్గంలో డ్రోన్లను వెంటనే పేల్చివేయాలని ఆదేశించింది. కజాన్​ నగర వ్యాప్తంగా పాఠశాలలు, కళాశాలలు మూసివేయాలని, ప్రజలెవ్వరూ బహిరంగ ప్రదేశాల్లో తిరగొద్దని హెచ్చరించింది. వాణిజ్య భవంతులపై 9/11 తరహా దాడులు జరగడంతో తీవ్ర భయాందోళనలు నెలకొన్నాయి. మరోవైపు చాలా డ్రోన్​ లను కూల్చివేశామని రష్యా రక్షణ శాఖ ప్రకటించింది. కజాన్​ ఎయిర్​ పోర్టులో హై అలర్ట్​ విధించారు. విమానాశ్రయాన్ని మూసివేసి నో ఫ్లై జోన్​ గా ప్రకటించారు. మెట్రో స్టేషన్లు, బస్​ స్టేషన్లను మూసివేశారు. ఉక్రెయిన్​–రష్యాలు శాంతికి, చర్చలకు సిద్ధంగా ఉన్నామని ప్రకటించినా ఇరుదేశాధ్యక్షులు దాడుల విషయంలో మాత్రం ఏ మాత్రం తగ్గేదేలే అన్నట్లుగా వ్యవహరిస్తుండడం ప్రపంచదేశాలను కలవరపరుస్తుంది. ఉక్రెయిన్​ ప్రయోగించిన డ్రోన్లలో 8 డ్రోన్లు అనేక నగరాల్లోని వాణిజ్య భవనాలపై దాడులకు పాల్పడ్డాయి.