తెరపైకి వాస్తవాలు? సిక్కు హత్య కేసులో టైట్లర్ విచారణ
The facts on the screen? Tytler trial in Sikh murder case
రౌస్ అవెన్యూ కోర్టు ఆదేశాలు
నాలుగు దశాబ్దాల కేసుపై పునర్విచారణ
వాంగ్మూలాలు ఇచ్చేందుకు సాక్ష్యులు సిద్ధం
నా తెలంగాణ, న్యూ ఢిల్లీ: సిక్కు హత్యలు (1984) కేసులో కాంగ్రెస్ నాయకుడు జగదీష్ టైట్లర్ ను విచారించాలని రౌస్ అవెన్యూ కోర్టు శుక్రవారం ఆదేశించింది. దీంతో నాలుగు దశాబ్దాల ఈకేసుపై దేశవ్యాప్తంగా ఆసక్తి, ఆందోళన నెలకొంది. గురుద్వారా పుల్ బంగాష్ సమీపంలో ముగ్గురు సిక్కులు హత్యకు గురయ్యారు. ఈ కేసులో అప్పట్లో అభియోగాలు మోపిన వాటి నుంచి బయటపడ్డారు. సాక్ష్యులు వాంగ్మూలాలు ఇచ్చేందుకు సిద్ధం కావడంతో ఈ కేసును తిరిగి విచారించనున్నారు.
హత్యలపై జగదీష్ టైట్లర్ పై 143, 147, 188, 153 ఎ ఐపీసీ, 295, 436, 451, 380 సెక్షన్లతోపాటు ఐపీసీ 149 సెక్షన్ల కింద కేసు నమోదైంది.
ఈ కేసుపై సీబీఐ 2023న జగదీష్ టైట్లర్ పై అనుబంధ చార్జీ షీటు కూడా దాఖలు చేసింది. ఈ చార్జీ షీట్ ఆధారంగానే తిరిగి కేసు పూర్వాపరాలపై విచారణ జరపాలని కోర్టు ఆదేశించింది.
తొలుత ఈ కేసును జస్టిస్ నానావతి కమిషన్ విచారించింది. 2005 తరువాత సీబీఐ దర్యాప్తు చేస్తోంది. ఈ దాడిలో ఠాకూర్ సింగ్, బాదల్ సింగ్, గురుచరణ్ సింగ్ అనే ముగ్గురు హత్యకు గురయ్యారు. దీనికి కారణం టైట్లర్ గుంపును రెచ్చగొట్టడం వల్లే జరిగిందనే ఆరోపణలున్నాయి.
కేసు విచారణ తెరపైకి రావడంతో అప్పట్లో వాస్తవంగా ఏమి జరిగిందనేది తెలిసే అవకాశం ఉంది.
