53కు చేరిన కల్తీ మద్యం మృతులు

పాట్నా: బిహార్​ కల్తీ మద్యం ఘటనలో మృతుల సంఖ్య శుక్రవారంనాటికి 53కి పెరిగింది. సివాన్​ లో 39మంది మృతి చెందగా, సరణ్–12​, గోపాల్​ గంజ్​ లో ఇద్దరు మృతి చెందారు. మరో ఇరవై మందికి పైగా అస్వస్థతకు గురికాగా, ఆసుపత్రిలో చికిత్స పొందుతున్న 30 మంది కోలుకున్నారు. కల్తీ మద్యం ఘటనపై సీఎం నితీశ్​ కుమార్​ ప్రభుత్వం ఉన్నతస్థాయి దర్యాప్తునకు ఆదేశించింది. కారకులను వెంటనే అరెస్టు చేసి కఠిన శిక్షలు పడేలా చర్యలు తీసుకోవాలని పోలీసులకు, అధికారులకు ఆదేశించింది. కల్తీ మద్యం 16 గ్రామాల్లో విషాదం రేపింది. బిహార్​ లో మద్య నిషేధం కొనసాగుతోంది. అయినా కల్తీ మద్యం మాఫియా పెద్ద యెత్తున కొనసాగుతుంది. గతంలో కూడా కల్తీ మద్యం తాగి మృతి చెందిన ఘటనలు ఇక్కడ కోకొల్లలుగా ఉన్నాయి.