రహస్య ప్రదేశంలో నస్రుల్లా అంత్యక్రియలు పూర్తి

టెహ్రాన్​: ఇజ్రాయెల్​ దాడిలో మృతి చెందిన హిజ్బొల్లా చీఫ్​ నస్రుల్లా అంత్యక్రియలు పూర్తయ్యాయి. ఏడు రోజుల తరువాత శుక్రవారం ఆయన అంత్యక్రియలను రహాస్య ప్రదేశంలో నిర్వహించారు. ఈయన అంత్యక్రియలపై ఇజ్రాయెల్​ దాడికి పాల్పడవచ్చనే అనుమానంతో ఈ చర్యలు చేపట్టారు. మధ్యాహ్నం ఇరాన్​ సుప్రీం లీడర్​ అయతుల్లా ఖమేనీ టెహ్రాన్​ గ్రాండ్​ మసీదులో నస్రుల్లా ఆత్మకు శాంతి చేకూరాలని ప్రార్థించారు. ఆయన గొప్పయోధుడని కొనియాడారు. నస్రుల్లా సేవలను ముస్లిం సమాజం ఎన్నటికీ మరువదన్నారు. ఇజ్రాయెల్​ పై ఇరాన్​ దాడికి ముందు ఖమేనిని రహస్య ప్రదేశానికి తరలించారు. ఆ తరువాత శుక్రవారమే ఆయన బహిరంగంగా ప్రసంగం చేస్తూ కనిపించారు.