మణిపూర్​ 11 పోలింగ్​ స్టేషన్లలో రీపోలింగ్​

ఇంఫాల్​: మణిపూర్​ లోని 11 పోలింగ్​ స్టేషన్లలో ఏప్రిల్​ 22న (సోమవారం) రీ–పోలింగ్​ చేపడతామని ఈసీ ఆదేశాలు జారీ చేసింది. 11 పోలింగ్​ స్టేషన్లలో ఈసీ ఆదేశాల మేరకు అత్యంత భారీ భద్రత ఏర్పాట్లను అధికారులు చేపట్టారు. ఏప్రిల్​ 19న నిర్వహించిన ఎన్నికల్లో ఇక్కడ రిగ్గింగ్​, అల్లర్ల నేపథ్యంలో స్థానిక రాజకీయ నాయకులు, అధికారుల ఫిర్యాదు మేరకు ఈసీ రీ పోలింగ్​ కు నిర్ణయించింది.

ఖురాయ్ నియోజకవర్గంలోని మొయిరంగ్‌కంపు సజేబ్, తొంగమ్ లీకై, ఛెత్రిగావ్‌లో నాలుగు, ఇంఫాల్ తూర్పు జిల్లాలోని థోంగ్జులో ఒకటి, ఉరిపోక్‌లో మూడు, ఇంఫాల్ పశ్చిమ జిల్లాలోని కొంతౌజామ్‌లో ఒక పోలింగ్​ స్టేషన్లలో రీ పోలింగ్​ నిర్వహించనున్నట్లు తెలిపింది. ఏప్రిల్​ 26న మణిపూర్​ లో రెండో దశ ఓటింగ్​ జరగనుంది.