1968లో జవాను మృతి శుక్రవారం కేరళలో అంత్యక్రియలు!

తిరువనంతపురం: 1968లో మృతి చెందిన భారత జవాను అంత్యక్రియలు శుక్రవారం నిర్వహించనున్నారు. 1968లో కేరళకు చెందిన మలయాళీ చెరియన్​(22) ఇండియన్​ ఆర్మీలో చేరారు. లేహ్​ లో వైమానిక దళ విమానంలో వెళుతుండగా ప్రమాదానికి గురైంది. అప్పటి నుంచి విమానం ఆచూకీ లభించలేదు. అందులో 102 మంది  ప్రయాణించారు. 2019 లో ఐదు మృతదేహాలు లభ్యమయ్యాయి. ఈ మృతదేహలు 1968 విమాన ప్రమాదానికి సంబంధించినవిగా గుర్తించారు. గత వారం భారత సైన్యం చెరియన్​ మృతదేహాన్ని గుర్తించింది. కుటుంబ సభ్యులకు సమాచారం అందజేశారు. శుక్రవారం కేరళకు మృతదేహాన్ని తీసుకువచ్చి అంత్యక్రియలు నిర్వహించనున్నారు. గవర్నర్​ పి.ఎస్​. శ్రీధరన్​ చెరియన్​ ఇంటికి వెళ్లి కుటుంబ సభ్యులను పరామర్శించారు. అధికారిక లాంఛనాలతో చెరియన్​ అంత్యక్రియలు నిర్వహించనున్నట్లు ఆర్మీ అధికారులు తెలిపారు. చెరియన్​ జీవించి ఉంటే ప్రస్తుతం అతని వయస్సు 78యేళ్లుగా ఉండేది.