పాక్​ భక్తులకు కలగని బాలరాముని దర్శన భాగ్యం

లక్నో: అయోధ్య బాలరాముని దర్శనం కోసం పాక్​ సింధ్​ నుంచి వచ్చిన 47 మందికి దర్శనభాగ్యం లభించలేదు. వారి వీసాలో తేడా ఉండడం వల్ల పోలీసులు వారిని అయోధ్య శ్రీరాముని దర్శనానికి వెళ్లనీయలేదు. కాగా ఈ సంఘటన శుక్రవారం చోటు చేసుకున్నప్పటికీ ఆలస్యంగా ఆదివారం వెలుగులోకొచ్చింది. వీరంతా భారత్​ లోని పలు సందర్శనీయ స్థలాలను చూసేందుకు వచ్చారు. కాగా ఇంటలిజెన్స్​ డిపార్ట్​ మెంట్​ పాస్​ పోర్టులో వ్యత్యాసాలను గుర్తించింది. దీంతో వీరిని అయోధ్యకు అనుమతించలేదు. కాగ పాక్​ నుంచి ఎంతో ఆశగా శ్రీరాముని దర్శనం కోసం వచ్చామని తమకు దర్శనభాగ్యం లభించకపోవడం అత్యంత దురదృష్టకరమని భక్తులు వాపోయారు. అయితే పాస్​ పోర్టు వ్యత్యాసాలపై అధికారులు ఆరా తీస్తున్నట్లు తెలుస్తోంది.