వాడెట్టి వ్యాఖ్యలపై బీజేపీ ఆగ్రహం కర్కరే కసబ్ తుటాతో చనిపోలేదన్న కాంగ్రెస్ నేత
బీజేపీ జాతీయ ప్రధాన కార్యదర్శి వినోద్ తావ్డే మండిపాటు
ముంబై: కాంగ్రెస్ నాయకుడు విజయ్ వాడెట్టివార్ వ్యాఖ్యలపై బీజేపీ విరుచుకుపడింది. బీజేపీ జాతీయ ప్రధాన కార్యదర్శి వినోద్ తావ్డే ఆదివారం మీడియాతో మాట్లాడుతూ, 'కాంగ్రెస్ తన ప్రత్యేక ఓటు బ్యాంకును భద్రపరుచుకునేందుకు ఎంత నీచానికైనా దిగజారుతుందనడానికి ఈయన వ్యాఖ్యలే నిదర్శనమన్నారు. 26/11 ఉగ్రవాదులకు క్లీన్ చిట్ ఇవ్వడం ద్వారా మహారాష్ట్ర సీనియర్ కాంగ్రెస్ నాయకుడు విజయ్ వాడెట్టివార్ ఈ విషయాన్ని నిరూపించారని మండిపడ్డారు. ఈయన చెప్పిన దాని ప్రకారం మరీ కసబ్ దోషి కాదా? అమరవీరుడా? అని ప్రశ్నించారు. ఉగ్రవాదులకు మద్దతిచ్చేందుకు వాడెట్టివార్ కు సిగ్గులేదా? అని వినోద్ తావ్డే ఆగ్రహం వ్యక్తం చేశారు.
వాడెట్టివార్ వ్యాఖ్యలు?
26/11 ముంబై దాడుల్లో హేమంత్ కర్కరే కసబ్ తూటాకు బలికాలేదని పోలీసులు పేల్చిన బుల్లెట్లతోనే చనిపోయాడని కాంగ్రెస్ నాయకుడు విజయ్ వాడెట్టివార్ వ్యాఖ్యానించారు. బీజేపీ తరఫున పోటీ చేస్తున్న ఉజ్వల్ నిగమ్ (కసబ్ కేసు న్యాయవాది) ద్రోహి అని వివాదాస్పద వ్యాఖ్యలు చేశారు.
