డ్రగ్స్​ సిండికేట్.. తుషార్​ తో కాంగ్రెస్​ బంధం

నా తెలంగాణ, న్యూ ఢిల్లీ: ఢిల్లీలో స్వాధీనం చేసుకున్న డ్రగ్స్​ సిండికేట్​ లో ప్రధాన సూత్రధారిగా కాంగ్రెస్​ పార్టీకి చెందిన ఆర్టీఐ సెల్​ నేత తుషార్​ గోయల్​ (ఢిక్కీ గోయల్​) పట్టుబడటాన్ని బీజేపీ జాతీయ అధికార ప్రతినిధి సుధాన్షు త్రివేది తీవ్రంగా విమర్శించారు. ఇతనికి నేరుగా కేసీ వేణుగోపాల్​, దీపేందర్​ హుడాలతో సంబంధాలున్నాయని ఆరోపించారు. నిందితుడి మొబైల్ నుంచి నేరుగా దీపేందర్​ సంప్రదింపులు జరిపాడని తెలిపారు. ఈ విషయంపై కాంగ్రెస్​ పార్టీ నోరు మెదకపోవడం శోచనీయమన్నారు. నిందితుడి నుంచి దర్యాప్తు బృందాలు మరింత సమాచారాన్ని రాబడుతున్నాయని తెలిపారు. దీంతో కాంగ్రెస్​ పార్టీ నేతల హస్తం పూర్తిగా బయటపడడం ఖాయమని సుధాన్షు విమర్శించారు. కాంగ్రెస్​ హయాంలో జరిగిన డ్రగ్స్​ కుంభకోణాల జప్తులో ఉన్న మొత్తాన్ని ఎన్నికలకు ఉపయోగించారని ఆరోపించారు. ఇలాంటి డబ్బుతో ఆయా రాష్​ర్టాల్లో గెలిచిన కాంగ్రెస్​ పార్టీ డ్రగ్స్​ ముఠా వారికే పార్టీ పదవులు అప్పజెప్పడం చూస్తుంటే ఈ పార్టీ దేశాన్ని అగాధంలోకి నెట్టేలా వ్యవహరిస్తోందని స్పష్టం అవుతుందన్నారు. అంతేగాక తుషార్​ కు కాంగ్రెస్​ లో నియమించిన లేఖను సుధాన్షు త్రివేది చదివి వినిపించారు. ఈ లేఖలో సోనియా, రాహుల్​ గాంధీల పేర్లు కూడా ఉండడం విశేషం.