47వ అధ్యక్షుడు డొనాల్డ్ ట్రంప్
The 47th President is Donald Trump
హోరాహోరీ పోరులో అలవోక విజయం
హారీస్ ను నిరాశ పరిచిన ఫలితాలు
చరిత్రలో గొప్పవిజయమన్న ట్రంప్
ఎలన్ మస్క్ కు కృతజ్ఞతలు
అత్యుత్తమ దేశంగా తీర్చి దిద్దుదాం
హామీలన్నీ నెరవేరుస్తా
ఫ్లోరిడా ప్రసంగంలో ట్రంప్
వాషింగ్టన్ డీసీ: రిపబ్లికన్ పార్టీ అభ్యర్థి డొనాల్డ్ ట్రంప్ అమెరికా అధ్యక్ష ఎన్నికల్లో విజయం సాధించినట్లు అమెరికన్ మీడియా ప్రకటించింది. ఓట్ల లెక్కింపు సందర్భంగా ఆయన 270 పూర్తి మెజార్టీ స్థానాలను సాధించినట్లు స్పష్టం చేసింది. మరోవైపు డెమోక్రటిక్ అభ్యర్థి కమలా హారీస్ 219 ఎలక్టోరల్ ఓట్లు మాత్రమే సాధించి అధ్యక్ష రేసు నుంచి తప్పుకున్నారు. దీంతో ట్రంప్ అమెరికాకు 47వ అధ్యక్షుడిగా ఎన్నికకానున్నారు. ఓట్ల లెక్కింపు చివరి దశలో ఉండగా ట్రంప్ ఫ్లోరిడాలోని వెస్ట్ పామ్ బీచ్ కు చేరుకొని తన మద్ధతుదారులతో మాట్లాడారు. వారికి కృతజ్ఞతలు తెలిఆపరు. దేశచరిత్రలో గొప్ప రాజకీయ ఘట్టమని అభివర్ణించారు. రాబోయే కాలం అమెరికా కళలను నిజం చేసే దిశలో ఉంటుందన్నారు. ఈ ప్రాంత భవిష్యత్ కోసం పనిచేస్తామన్నారు.
ఎలన్ మస్క్ మద్ధతును కొనియాడారు. అసాధ్యమైన పనిని అంతా కలిసి సుసాధ్యం చేసి చూపించామన్నారు. స్వింగ్ స్టేట్స్ నుంచి పూర్తి మద్ధతు లభించడం సంతోషకరమన్నారు. అమెరికన్ ప్రజలు తమకు పూర్తి శక్తినిచ్చారని ధన్యవాదాలు తెలిపారు. ఓటర్లకు ఇచ్చిన హామీలను నెరవేరుస్తామన్నారు.
తన ప్రతి క్షణం అమెరికా వృద్ధి కోసమే పనిచేస్తానని, ఈ విజయం ప్రతి అమెరికన్ విజయమన్నారు. అమెరికాలోకి అక్రమ చొరబాట్లను నియంత్రిస్తామన్నారు. ప్రపంచంలో యుద్ధ పరిస్థితులను శాంతింపచేసే పని చేపడతామన్నారు. అంతరిక్షంలో ఎలన్ మస్క్ సేవలను ప్రశంసించారు. అమెరికాను మస్క్ గొప్పదేశంగా చూడాలనుకోవడం సంతోకరమన్నారు. తన హయాంలో అమెరికాను అత్యుత్తమంగా తీర్చిదిద్దుతామని ట్రంప్ పేర్కొన్నారు. సరిహద్దు భద్రతను పెంచుతామన్నారు.
ప్రధాని మోదీ అభినందనలు..
డొనాల్డ్ ట్రంప్ చారిత్రాత్మక విజయం పట్ల ప్రధాని నరేంద్ర మోదీ హర్షం వ్యక్తం చేస్తూ అభినందనలు తెలిపారు. ట్రంప్ నేతృత్వంలో భారత్–యూఎస్ వ్యూహాత్మక భాగస్వామ్యాన్ని మరింత బలోపేతం చేయడానికి భారత సహకారాన్ని పునరుద్ధరించేందుకు ఎదురు చూస్తున్నామని తెలిపారు. అభివృద్ధి, ప్రపంచ శాంతి, స్థిరత్వం, శ్రేయస్సును పెంపొందిద్దామని ప్రధాని మోదీ పిలుపునిచ్చారు.
