జాదవ్ పూర్ లో ఉద్రిక్తత
బాంబుదాడులకు తెగబడ్డ టీఎంసీ? చెరువులో ఈవీఎంలు, వీవీప్యాట్ లు!
కోల్ కతా: పశ్చిమ బెంగాల్ లోని జాదవ్ పూర్ భాంగర్ సతులియా ప్రాంతంలో ఐఎస్ఎఫ్, సీపీఎం,టీఎంసీ కార్యకర్తలు ఒకరినొకరు దాడులు చేసుకున్నారు. టీఎంసీ కార్యకర్తలు బాంబుదాడులకు పాల్పడ్డారనే నేపథ్యంలో ఈ మూడు పార్టీలు ఒకరిపై ఒకరు దాడులకు పాల్పడ్డారు. దాడి సందర్భంగా పలువురు మహిళలకు కూడా గాయాలయ్యాయి. వెంటనే కల్పించుకున్న పోలీసులు పోలింగ్ బూత్ వద్ద గూమికూడి ఉద్రిక్త వాతావరణం సృష్టిస్తున్న వారిపై లాఠీచార్జీ చేసి చెదరగొట్టారు. అదనపు బలగాల రాకతో ప్రశాంతంగా పోలింగ్ నిర్వహిస్తున్నారు.
దక్షిణ 24 పరగణాస్‌లోని కుల్తాయ్‌లోని బూత్ నంబర్ 40, 41 వద్ద జనసమూహం ఈవీఎంలు, వీవీప్యాట్ యంత్రాలను నీటిలో విసిరేశారు. టీఎంసి మద్దతుదారులు ఓటర్లను బెదిరించి ఈవీఎంలు, వీవీ ప్యాట్ లను నీటిలో పడవేశారని ఆరోపించారు.
