ఎయిర్​ మార్షల్​ చీఫ్​ గా తేజిందర్​ బాధ్యతల స్వీకరణ

నా తెలంగాణ, న్యూ ఢిల్లీ: నూతన ఎయిర్​ మార్షల్​ చీఫ్​ గా తేజిందర్​ సింగ్​ ఆదివారం బాధ్యతలను స్వీకరించారు. బాధ్యతల స్వీకరణకు ముందు న్యూ ఢిల్లీలోని జాతీయ యుద్ధ స్మారక చిహ్నం వద్ద పుష్పగుచ్చం ఉంచి అమరులకు నివాళులర్పించారు. 1987న డిఫెన్స్​ లో నియమితులైన ఈయన అంచలంచెలుగా ఎదిగి 4500 గంటలపాటు డిఫెన్స్​ విమానాలను నడిపారు. ఫైటర్ స్క్వాడ్రన్, రాడార్ స్టేషన్, ప్రీమియర్ ఫైటర్ బేస్, జమ్మూ కాశ్మీర్‌లో కమాండింగ్ ఎయిర్ ఆఫీసర్‌గా విధులు నిర్వహించారు. తేజిందర్​ సింగ్​ సేవలను గుర్తించిన ప్రభుత్వం అతనికి 2007లో వాయుసేన పతకం, 2022లో అతి విశిష్ట సేవా పతకాలను అందించింది.