టీటీఈకి టీఎంసీ ఎమ్మెల్యే బెదిరింపులు
TMC MLA threats to TTE
భార్య స్థానంలో మరో మహిళతో ప్రయాణం
నిలదీసి జరిమానా విధించిన టీటీఈ
రైల్వే శాఖకు ఫిర్యాదుతో విషయం వెలుగులోకి
కోల్ కతా: టీఎంసీ ఎమ్మెల్యే రైలులో తన భార్య పేరు మీద ఉన్న టికెట్ తో మరో మహిళతో ప్రయాణించడమే గాక తనను చంపేస్తానని బెదిరింపులకు పాల్పడుతున్నట్లు టీటీఈ రైల్వేశాఖకు బుధవారం ఫిర్యాదు చేశాడు. 14226 (డెహ్రాడూన్–బనారస్) ఎక్స్ ప్రెస్ రైలులో టీఎంసీ ఎమ్మెల్యే కనై చంద్రమండల్ ప్రయాణిస్తున్నాడు. టీటీఈ టికెట్లు తనిఖీ చేసేందుకు రాగా ఎమ్మెల్యేతోపాటు పక్కనే ఉన్న మరో మహిళను టికెట్ అడిగాడు. ఎమ్మెల్యే టికెట్ అందించగా అసలు ప్రయాణికురాలి బదులుగా మీరు ప్రయాణం చేయడం నేరమన్నాడు. జరిమానా విధించాడు. దీంతో టీఎంసీ ఎమ్మెల్యే పెద్ద రాద్దాంతం సృష్టిస్తూ చంపేస్తానని అతన్ని బెదిరించాడు. భార్య పేరుతో ఉన్న టికెట్ పై మహిళతో ప్రయాణించడమే గాక తనపైనే బెదిరింపులకు పాల్పడడాన్ని టిటీఈ రైల్వే శాఖ దృష్టికి తీసుకువెళ్లి ఫిర్యాదు చేశాడు. టీఎంసీ ఈ వ్యవహారాన్ని పలువురు నెటీజనులు ‘ఇంట్లో రామయ్య, వీధిలో కృష్ణయ్య’గా వ్యవహరిస్తుండడం కొసమెరుపు.
