స్పీకర్​ పదవికి సురేష్​ ప్రకటన ఏకపక్ష నిర్ణయమన్న టీఎంసీ

నా తెలంగాణ, న్యూ ఢిల్లీ: లోక్​ సభ స్పీకర్​ పదవికి ప్రతిపక్షం తరఫున సురేష్​ ను ప్రకటించడం తమకు తెలియదని టీఎంసీ ఎంపీ అభిషేక్ బెనర్జీ అన్నారు. కాంగ్రెస్​ పార్టీ టీఎంసీని సంప్రదించలేదన్నారు. మంగళవారం పార్లమెంట్​ ఆవరణలో ఎంపీ అభిషేక్ బెనర్జీ మీడియాతో మాట్లాడారు. ఏ పార్టీ నేతలతోనూ కాంగ్రెస్​ చర్చించలేదని ఒకింత ఆగ్రహంగానే మాట్లాడారు. సురేష్​ ఎంపిక జరిగిన సమయంలో టీఎంసీ తరఫున ఎవ్వరూ లేరన్నారు. ఇది ఏకపక్ష నిర్ణయమే అవుతుందని బెనర్జీ స్పష్టం చేశారు. అయితే ఈ విషయంలో తన వైఖరి కన్నా పార్టీ అధినేత మమత బెనర్జీ వైఖరే ముఖ్యమని అభిషేక్​ తెలిపారు.