స్వంత ప్రాముఖ్యత ఐపీఎస్​ సొంతం

నా తెలంగాణ, న్యూ ఢిల్లీ: ఇండియన్​ పోలీస్​ సర్వీస్​ స్వంత ప్రాముఖ్యతను కలిగి ఉందని రాష్ట్రపతి ద్రౌపదీ ముర్మూ అన్నారు. సోమవారం న్యూ ఢిల్లీలోని రాష్ట్రపతి భవన్​ లో 2023 బ్యాచ్​ కు చెందిన ఐపీఎస్​ ప్రొబేషనర్ల బృందం రాష్ర్టపతిని కలిసింది. ఈ సందర్భంగా జరిగిన సమావేశంలో ముర్మూ ప్రసంగించారు. లా అండ్​ ఆర్డర్​ కాపాడడంలో ఐపీఎస్​ లు కీలక భూమిక పోషిస్తున్నారని కితాబిచ్చారు. నూతన పోకడలతో వినూత్న ఆలోచనలతో ముందుకు వెళ్లడాన్ని అభినందించారు. రాబోయే యేళ్లలో భారత్​ నూతన శిఖరాలను అధిరోహించాలని లక్ష్యంగా పెట్టుకుందన్నారు. ఈ అభివృద్ధిలో ఐపీఎస్​ ల పాత్ర మరింత కీలకంగా మారనుందని ముర్మూ తెలిపారు. చట్టబద్ధత సక్రమంగా ఉన్నచోటే ఆర్థిక, సామాజికాభివృద్ధి సాధించగలమన్నారు. శాంతిభద్రతలను కాపాడడం, న్యాయానికి కట్టుబడి ఉండడం, సామాన్య పౌరుల హక్కులను పరిరక్షించడంతో పురోగతి సాధ్యపడుతుందని రాష్ట్రపతి ద్రౌపదీ ముర్మూ అన్నారు.