కోడాకు సుప్రీం ఝలక్

రాంచీ: ఝార్ఖండ్​ మాజీ ముఖ్యమంత్రి మధు కోడాకు సుప్రీంకోర్టులో ఎదురు దెబ్బతగిలింది. బొగ్గు కుంభకోణంలో అక్రమాలపై దోషిగా తేలినందున శిక్షను రద్దు చేయాలన్న, తగ్గించాలన్న పిటిషన్​ ను సుప్రీంకోర్టు కొట్టివేసింది. శుక్రవారం ఈ కేసుపై సుప్రీం ద్విసభ్య ధర్మాసనం విచారణ చేపట్టింది. దీంతో మధు కోడా ఎన్నికలలో పోటీ చేసే అవకాశాన్ని కోల్పోయినట్లయ్యింది. గతంలో ఢిల్లీ హై కోర్టు కూడా ఈ పిటిషన్​ ను కొట్టివేసింది. 2017లో అవినీతి నిరోధక చట్టం కింద నేరం ఋజువు కావడంతో ఆయనకు మూడేళ్ల జైలు శిక్ష, రూ. 5 లక్షల జరిమానా విధించారు. 2018లో ఆయనకు బెయిల్​ లభించింది. 2020లో నేరారోపణలపై ఢిల్లీ హైకోర్టు విచారణ చేపట్టింది. శిక్ష తగ్గించాలని, రద్దు చేయాలన్న పిటిషన్​ ను తోసిపుచ్చింది. ఇదే పిటిషన్​ పై మధు కోడా సుప్రీంకోర్టును ఆశ్రయించారు. ఎట్టకేలకు అంతిమంగా సుప్రీంకోర్టు ఆయన శిక్షను రద్దు చేసేందుకు నిరాకరించింది.