పాక్ లో మిన్నంటిన ఆందోళనలు
నీరు, విద్యుత్, ఆహార ద్రవ్యోల్బణం పెరుగుదల లాఠీచార్జీ, భాష్పవాయు గోళాల ప్రయోగం ఇద్దరు మృతి, పోలీసు అధికారికి కొట్టి చంపిన ఆందోళనకారులు భారత్ సహాయం చేయాలని విజ్ఞప్తి
నా తెలంగాణ,న్యూ ఢిల్లీ: పాక్ పీవోకే ముజఫరాబాద్ లో పెద్ద ఎత్తున ఆందోళనలు చెలరేగుతున్నాయి. ధరల పెరుగుదల, విద్యుత్, నీటి సంక్షోభంపై పీవోకే ప్రజలు గత రెండు మూడు రోజులుగా ఆందోళన చేపట్టారు. మీర్పూర్, ఆజాద్ జమ్మూకశ్మీర్ (ఏజెకే), పాఠశాలలు, కార్యాలయాలు, దుకాణసముదాయాలను మూసివేశారు. ఆదివారం కూడా పెద్ద ఎత్తున ఆందోళనలు కొనసాగాయి. భారత్ వెంటనే జోక్యం చేసుకోవాలని పాక్ ప్రభుత్వానికి బుద్ధి చెప్పాలని పీవోకే మానవ హక్కుల కార్యకర్తలు,ప్రజలు డిమాండ్ చేస్తుండడం విశేషం.
మరోవైపు రెండు రోజులుగా కొనసాగుతున్న ఆందోళనల్లో పోలీసులు భాష్పవాయు గోళాలు ప్రయోగించడంతో ఇద్దరు మృతిచెందారు. ఆగ్రహ జ్వాలలతో ఆందోళనకారులు ఒక పోలీసు అధికారిని కొట్టి చంపారు. పీవోకే లో ఉన్న అనేక ప్రాజెక్టుల ద్వారా వస్తున్న నీటిని పాక్ ప్రభుత్వం వీరికి అందించకుండా నేరుగా ఇస్లామాబాద్, కరాచీలకు చేరుస్తుంది. ఇక్కడ ఉత్పత్తి అయిన విద్యుత్ ను కూడా వీరికి సరఫరా చేయకుండా నగరాలకు సరఫరా చేస్తుంది. మరోవైపు ధరలు ఆకాశాన్నంటుతున్నాయి. ఈ విషయంపై పాక్ ప్రభుత్వానికి ఎన్నోసార్లు వినతిపత్రాలిచ్చినా, విజ్ఞప్తి చేసినా లాభం లేకపోవడంతో ఆందోళనలు చెలరేగాయి.
మరోవైపు ఐఎంఎఫ్ (అంతర్జాతీయ ద్రవ్య నిధి సంస్థ) ఆర్థిక సహాయం చేస్తామని గతంలో ప్రకటించినా ఇటీవల జరిగిన సమావేశంలో తామందించిన ఆర్థిక సహాయం ఎలా తీరుస్తారని పలు ప్రశ్నలు సంధించింది. దీంతో మింగలేక కక్కలేక అన్నట్లుగా పాక్ అధికారుల పరిస్థితులు ఉండడంతో వారికి ఆర్థికంపై ఏ మాత్రం అవగాహన లేదని పాక్ తాము చేసిన సహాయం తీర్చలేదనే నిర్ణయానికి వచ్చింది. ఆర్థిక సహాయంపై మళ్లీ పీఠముడి వేసింది. ఈ పరిణామం కూడా పాక్ కు ఆశనిపాతంలా పరిణమించింది.
పాక్ ఆందోళనలపై పీవోకే నాయకుడు అమ్జద్ మాట్లాడుతూ.. గిల్గిత్–బాల్టిస్తాన్ తో సహా ఆక్రమిత పీవోకేపై భారత్ దృష్టి సారించాలన్నారు. ఈ ప్రాంతం స్వాతంత్రం కోసం సహాయం చేయాలని విజ్ఞప్తి చేశారు.
