ఎఎంయూలో ఎస్సీ, ఎస్టీలకు రిజర్వేషన్లు కల్పించరా?

లక్నో: కేంద్ర నిధులతో నడిచే ఎఎంయూ యూనివర్సిటీలో ముస్లింలకు 50 శాతం రిజర్వేషన్లు కల్పించి, దళితులు, వెనుకబడిన వర్గాలు, ఇతరులకు రిజర్వేషన్లు ఎందుకు కల్పించడం లేదని సీఎం యోగి ఆదిత్యనాథ్​ ప్రశ్నించారు. శనివారం అలీఘర్​ లోని ఖైర్​ స్థానంలో నిర్వహించనున్న ఉప ఎన్నికల ప్రచార సభలో పాల్గొని ప్రసంగించారు. కాంగ్రెస్​ పూర్తిగా మరిచిపోయిన రాజ మహేంద్ర ప్రతాప్​ పేరు మీద అలీఘర్​ స్టేట్​ యూనివర్సిటీ ఇచ్చామన్నారు. ఇంతకంటే మంచి ఉదాహరణ దొరకదన్నారు. ఎస్సీ, ఎస్టీలకు రిజర్వేషన్​ సౌకర్యం ఉన్నా ఎంఎంయూలో ఎందుకు అమలు కావడం లేదని ప్రశ్నించారు. భారత ప్రభుత్వం అందరి శ్రేయస్సు కోసమే నిధులను కేటాయిస్తుంటే అణగారిన వర్గాల పిల్లలు ఎందుకు రిజర్వేషన్ల ప్రయోజనాన్ని పొందలేరన్నారు. రానున్న కాలంలో అందరికి ఉపయోగపడేలా అద్భుతమైన యూనివర్సిటీగా దీన్ని తీర్చిదిద్దుతామన్నారు.