భాగ్యనగరంలో సైన్స్​ సిటీ

నా తెలంగాణ, హైదరాబాద్​: శాస్త్రీయ పరిజ్ఞానంలో శాస్త్రీయ యువతకు మరింత తోడ్పాటు నందించేందుకు ప్రధాని నరేంద్ర మోదీ ప్రభుత్వం హైదరాబాద్​ ను సైన్స్​ సిటీ రూపకల్పనకు ఎన్నుకోవడం సంతోషకరమని తెలంగాణ రాష్​ర్ట బీజేపీ అధ్యక్షుడు, కేంద్ర బొగ్గు, గనుల శాఖ మంత్రి జి.కిషన్​ రెడ్డి అన్నారు. సోమవారం సామాజిక మాధ్యమంలో కేంద్ర ప్రభుత్వం హైదరాబాద్​ లో రూ. 232.70 కోట్లతో ఏర్పాటు చేయనున్న సైన్స్​ సిటీపై వివరాలందించారు. భాగ్యనగరంలో ఏర్పాటు చేయబోయే సైన్స్​ సిటిలో ఆవిష్కర్తలు, శాస్త్రవేత్తలు సమావేశ హాలు, ఎగ్జిబిషన్​, 3 డీ డిజిటల్​ థియేటర్​, స్పేస్​ సైన్సెస్​, రోబోటిక్స్​ సెంటన్​ ఇలా ఎన్నో విభాగాలను ఏర్పాటు చేయనుందన్నారు. భవిష్యత్​ లో నగరంలోని సైన్స్​ సిటీ ఆవిష్కరణలకు ప్రధాన కేంద్రంగా మారనుందన్నారు. ఇక్కడి నుంచే అనేక పరిశోధనలు, ఆవిష్కరణలు చోటు చేసుకొని భాగ్యనగర ప్రతిభను మరింత ఇనుమడింప చేస్తాయని కేంద్రమంత్రి జి.కిషన్​ రెడ్డి ఆశాభావం వ్యక్తం చేశారు.