సాయన్న స్ఫూర్తి.. ముదిరాజ్ లు ఏకం కావాలి
Sayanna's spirit.. Mudirajs should unite
నా తెలంగాణ, సంగారెడ్డి: పండగ సాయన్న స్ఫూర్తితో ముదిరాజులంతా ఏకమై ముందుకు వెళ్లాల్సిన అవసరం ఎంతనా ఉందని పాలకుర్తి, డోర్నకల్, మహబూబాబాద్ నియోజకవర్గం ముదిరాజ్ సంఘం జిల్లా నాయకులు, కాంగ్రెస్ పార్టీ నాయకుడు, మాజీ మార్కెట్ కమిటీ చైర్మన్ నీలం మధుకు విజ్ఞప్తి చేశారు. ముదిరాజుల ఐక్యత, రాజకీయ ఎదుగుదల కోసం కృషి చేస్తున్న నీలం మధు కృషి మరువలేనిదన్నారు. గురువారం నీలంను కలిసిన ముదిరాజ్ సింహ గర్జన సభ అక్టోబర్ 21న జిల్లా కేంద్రంలో పండగ సాయన్న విగ్రహావిష్కరణ, ఎన్టీఆర్ స్టేడియంలో 25వేల మంది ముదిరాజుల సభకు ముఖ్య అతిథిగా హాజరు కావాలని ఆహ్వానించారు.
ఈ కార్యక్రమంలో రాష్ట్ర నాయకులు గొడుగు శ్రీనివాస్ ముదిరాజ్, మాజీ మార్కెట్ కమిటీ చైర్మన్ నీలం దుర్గేష్ ముదిరాజ్, జిల్లా అధ్యక్షులు చిల్లా సహదేవ్, కాటా భాస్కర్, రంజిత్, కరుణాకర్, కొత్తూరు రమేష్, అలువాల సోమయ్య, పిట్టల ధనుంజయ్, ఎదరబోయిన సూరయ్య, దుండి వెంకటేశ్వర్లు, గుండా వెంకన్న, మల్లం యాకయ్య, సాదు రాములు, శీలం సత్యనారాయణ, గడ్డం ఉప్పలయ్య, అలువాల శ్రీకాంత్ తదితరులు పాల్గొన్నారు.
